2026 жылы назар аударуға тұрарлық қазақстандық инфлюенсерлер
Рая Мінап Қазақстандық инфлюенсерлер миллиондаған аудитория жинап, халықаралық брендтермен жұмыс істеп, саяхаттан бастап тіл үйрену, фитнес пен ұлттық болмысқа дейінгі түрлі бағыттарда тренд қалыптастырып келеді. Youth.kz 2026 жылы назар аударуға тұрарлық қазақстандық контент авторларының тізімін жасады.
Мөлдір Жиенбаева
Жазылушылар саны: TikTok пен Instagram желілерінде жалпы саны 5 миллионнан астам.
Бағыты: лайфстайл, саяхат, сторителлинг.
Мөлдір Жиенбаева – халықаралық аудиториясы бар Қазақстандағы ең танымал лайфстайл-блогерлердің бірі. Ол әлеуметтік желілерінде саяхат туралы контентті күнделікті өмірден алынған бақылаулармен және танымдық сторителлинг элементтерімен ұштастырады. Мөлдір жазылушыларын диалогқа белсенді тартып, жеке тәжірибесімен бөліседі және өз айналасында тұрақты онлайн қауымдастық қалыптастырған.
Жанатұлы Медет
Жазылушылар саны: TikTok пен Instagram желілерінде жалпы саны 6 миллионнан астам.
Бағыты: фитнес, мотивация, өмір салты.
Жанатұлы Медет мотивациялық контент, фитнес және жеке брендті дамыту бағытында жұмыс істейді. Ол тұрақты түрде жаттығу бағдарламаларын, дұрыс тамақтану бойынша кеңестерді және тәртіп пен өзін-өзі дамытуға қатысты жеке оқиғаларын жариялайды. Оның контенті салауатты өмір салты мен ішкі мотивацияны іздейтін жастарға арналған.
Нұрдәулет Бектұрсын
Жазылушылар саны: TikTok, Instagram және YouTube желілерінде жалпы саны 9 миллионнан астам.
Бағыты: мотивациялық контент, әлеуметтік жобалар, отбасылық формат.
NNN лақап атымен танымал Нұрдәулет Бектұрсын қарапайым әрі отбасылық контентке басымдық береді. Ол видеоларында қарапайым құндылықтар, қайырымдылық және ұлттық болмыс туралы айтады. Оның NNN LIFE TV YouTube жобасы ойын-сауық форматымен қатар әлеуметтік тақырыптарды да қамтиды. Онда мұқтаж жандарға көмек көрсету мен қоғамдық бастамалар жайлы материалдар жарияланады.
Диас Алпысбаев (SixtyRich)
Жазылушылар саны: TikTok пен Instagram желілерінде жалпы саны 6 миллионнан астам.
Бағыты: лайфстайл, саяхат, ойын-сауық контенті.
Диас Алпысбаев саяхат пен серіктестік жобаларға негізделген ойын-сауық бағытындағы лайфстайл контентімен танымал. Ол түрлі брендтермен белсенді жұмыс істейді және әлемнің әртүрлі елдерінен, соның ішінде Оңтүстік Кореядан видеоблогтар түсіреді. Оның стилі – қарқынды, визуалды жағынан тартымды және цифрлық ортадағы жас аудиторияға бағытталған.
Омар Алиев
Жазылушылар саны: TikTok пен Instagram желілерінде жалпы саны 60 миллионнан астам.
Бағыты: тілдік контент, білім беру, ойын-сауық.
Омар Алиев басқа инфлюенсерлерден тілдік контенті арқылы ерекшеленеді. Ол видеоларында кездейсоқ ел таңдап, сол елдің тілінде сөйлей бастайды. Автор кең таралған тілдермен қатар сирек кездесетін тілдерді де меңгергенін көрсетеді. Сонымен бірге кейбір тілдерді әлі бастапқы деңгейде үйреніп жүргенін ашық айтады.
Анзор Гасаев
Жазылушылар саны: TikTok, Instagram және YouTube желілерінде жалпы саны 12 миллионнан астам.
Бағыты: саяхат, табиғат, ұлттық тағамдар.
Анзор Гасаев Қазақстанның табиғаты, таулары мен көшпелі мәдениетінің тағамдары туралы ерекше атмосферадағы контент дайындайды. Оның видеолары жаяу серуендерге, кемпингке және ашық аспан астында ас әзірлеуге арналған. Сонымен қатар ол туристік жабдықтар мен өңірлік тағамдар туралы айтып, дәстүрді құрметтейтін заманауи саяхатшының бейнесін қалыптастырады.
Нургелді Кердеш (Dragon)
Жазылушылар саны: TikTok, Instagram және YouTube желілерінде жалпы саны 17 миллионнан астам.
Бағыты: пранктер, челлендждер, отбасылық контент.
Dragon лақап атымен танымал Нургелді Кердеш ойын-сауық бағытындағы контент түсіреді. Оның негізгі бағыты – отбасылық пранк-видеолар. Бейнероликтерінде жылы отбасылық атмосфера мен жеңіл әзіл басым, бұл оған кең аудиторияның ықыласына ие болуға мүмкіндік берді.
Дулат Тантаев («Жас аспаз»)
Жазылушылар саны: Instagram және YouTube желілерінде жалпы саны 6 миллионнан астам.
Бағыты: тағам дайындау, дәстүрлі асхана, аспаздық тәжірибелер.
Дулат Тантаев – небәрі 16 жасында өзіндік стилін қалыптастыра алған жас фуд-контент авторы. Ол әлем халықтарының дәстүрлі тағамдарын дайындаумен қатар, ерекше аспаздық тәжірибелерді де көрсетеді. Дулат өзінің басты арманы – әлемдегі №1 аспаз болу екенін ашық айтып келеді.
