Dauletten қоры студенттерге 2026-2027 оқу жылына грант береді

Dauletten қайырымдылық қоры 2026-2027 оқу жылына білім беру гранттарын тағайындайтынын жариялады. Бағдарлама аясында ата-анасының бірінде I топтағы мүгедектігі бар, Қазақстандағы жоғары оқу орындарының бірінші курсында ақылы негізде оқитын студенттерге қолдау көрсетіледі. Қордың жалпы бюджеті – 20 миллион теңге.

Қордың мәліметінше, бір студенттің бір академиялық жылдағы оқу ақысын төлеуге 1 миллион теңгеге дейін грант бөлінеді. Өтінімдер 2026 жылғы 15 қарашаны қоса алғанға дейін қабылданады. 

Грантқа кімдер қатыса алады?

Бағдарламаға қатысу үшін үміткер мына талаптарға сай болуы керек:

• Қазақстандағы жоғары оқу орнының 2026-2027 оқу жылында бірінші курсына ақылы негізде қабылданған болуы;
  ата-анасының бірінде I топтағы мүгедектік болуы;
• өтінімде көрсетілген мәліметтерді растайтын қажетті құжаттарды ұсынуы.Грант жоғары оқу орнында оқу ақысын
• төлеуге арналған. Бір студентке бөлінетін қаражат мөлшері бір академиялық жыл үшін 1 миллион теңгеден аспайды.

Бұл – әр қатысушыға міндетті түрде 1 миллион теңге беріледі деген сөз емес. Қаржылай қолдау оқу ақысына сәйкес белгіленеді.

Қандай құжаттар қажет?

Өтінім беру кезінде төмендегі құжаттарды дайындау керек:

1. ҰБТ сертификаты. Ұлттық бірыңғай тестілеу нәтижесін растайтын құжат.
2. Орта білім туралы аттестат. Өтінім нысанында аттестаттың орташа балын да көрсету қажет.
3. Жоғары оқу орнымен жасалған келісімшарт. Студенттің ақылы негізде оқитынын растайтын құжат.
4. Ата-анасының мүгедектігін растайтын құжат. Құжатта ата-анасының I топтағы мүгедектігі расталуы керек.
5. Туу туралы куәлік. Студент пен ата-анасы арасындағы туыстық байланысты растау үшін қажет.
6. Бұған қоса, үміткер өзінің әлеуметтік жағдайын растайтын қосымша құжаттарды ұсына алады. Бұл құжат міндетті емес, бірақ болған жағдайда өтінімге тіркеуге болады.

Бұған дейін 2026-2027 оқу жылына 89 457 мемлекеттік грант бөлінгенін жазған едік.