Тағылымдамалар

Семинарлар Алматы, Астана, Түркістан, Шымкент, Қызылорда, Семей, Петропавл, Семей, Қарағанды, Өскемен қалаларында өтеді.

Семинар туралы

Адам құқықтары – әр адамның қадір-қасиетін, еркіндігін және теңдігін қорғауға негізделген әмбебап құндылықтар. Бірақ өз құқықтарымызды қаншалықты жақсы білеміз? Олар қалай қалыптасты және күнделікті өмірде оларды қалай қорғай аламыз?

Кіріспе семинар барысында қатысушылар:

• адам құқықтарының мәні мен негізгі қағидаттарымен танысады;
• адам құқықтарының пайда болуы мен даму тарихын біледі;
• өз құқықтарын қорғаудың негізгі тетіктері туралы ақпарат алады;
• нақты мысалдар мен жағдайларды талқылайды;
• тәжірибелі құқық қорғаушымен кездесіп, адам құқықтарын іс жүзінде
• қорғау тәжірибесімен танысады.

Семинар тек теориялық білім берумен шектелмейді. Қатысушылар сұрақ қойып, пікір алмасып, адам құқықтарын қорғауда кездесетін нақты жағдайларды талқылауға мүмкіндік алады.

Біз кімді күтеміз?

Семинарға 14 пен 25 жас аралығындағы жастарды шақырамыз.

Егер сіз жаңа білім мен тәжірибеге қызығушылық танытсаңыз, адам құқықтары туралы көбірек білгіңіз келсе және әр адамның қадір-қасиеті мен құндылығын маңызды деп санасаңыз – бұл семинар сізге арналған.

Қатысу шарттары

• Қатысу тегін
• Тіркелу: https://docs.google.com/forms/d/e/1FAIpQLSdG3pMzsCaBo4DXZSmuNdr
  a6KMKD8JA972TeB58vi1EVgiwiw/viewform
• Семинар ұзақтығы: 4 сағат
• Форматы: оффлайн, жеке қатысу қажет
• Өткізу уақыты мен нақты орны: тіркелген қатысушыларға қосымша хабарланады

Қатысушылар саны шектеулі: әр қаладағы семинарға тек 50 адам қатыса алады

Қатысушыларға шақырту ұялы телефон арқылы жіберіледі (WhatsApp), номерді қатесіз жазыңыз.

Бұл Астанадағы гибридді жұмыс, дегенмен біз жарты күн жұмыс істей алатын үміткер студенттерді қарастырамыз.

Ұсынатынымыз:

• Оқыту және кәсіби өсу мүмкіндігі
• Достық және қолдау көрсететін команда
• Қоғамдық саясат және адам құқықтары саласындағы қызықты
  жобалар
• Өз идеяларыңызды жүзеге асыру мүмкіндігі
• Біліктілігіңіз бен тәжірибеңізге сәйкес еңбекақы

Күтетініміз:

• Адамдармен оңай тіл табыса алу және белсенділік
• Демократия мен адам құқықтарының құндылықтарын ұстану
• Жауапты болу және тапсырмаларды соңына дейін жеткізе білу
• Қазақ және орыс тілдерінде сауатты сөйлеу және жазу
• Педагогика немесе әлеуметтану саласындағы білім — артықшылық
• Волонтерлерді үйлестіру тәжірибесі — үлкен артықшылық

Бағдарлама жастардың өмірі, тәжірибесі, шығармашылығы мен көшбасшылығына арналған жобаларды қолдайды.

Зерттеу, ғылыми коммуникация, жастар бастамалары және жастардың тәжірибесін зерттеуге бағытталған жобалармен айналысатын ұйымдар қатыса алады. Финалистермен сұхбаттар желтоқсан айында өткізіледі, ал жеңімпаздарды 2027 жылғы ақпан–сәуір айларында жариялау жоспарланған.

Өтінім қабылдау мерзімі: 2026 жылғы 23 қыркүйек – 16 қазан.

Практикалық воркшоп компанияларды басқаруда жасанды интеллектіні қолдануға арналған. Қатысушылар жұмыс процестерін автоматтандыру, AI құралдарын пайдалану және компаниядағы білімді бір жүйеге біріктіру мәселелерін қарастырады.

Өтетін күні: 2026 жылғы 6 қазан, Алматы.

Көрме халықаралық білім алуға, шетелдік университеттерге түсуге, академиялық дамуға және білім беру бағдарламаларына арналған. Бағдарламада университеттердің презентациялары мен панельдік сессиялар қарастырылған.

Өтетін күндері:

9 қазан – Қонаев;
10 қазан – Алматы;
11 қазан – Астана.

Қатысу тегін. Келушілер шетелдік университеттердің өкілдерімен жеке кездесіп, оқу мүмкіндіктері, шәкіртақылар мен гранттар туралы ақпарат ала алады.

Өтетін күні: 2026 жылғы 2 қазан, Астана

Қатысу тегін, алдын ала тіркелу қажет. Конференцияда ерекше білім беру қажеттіліктері бар балаларды білім беру үдерісіне қосу мәселелері және осы бағыттағы пәнаралық тәсілдер талқыланады. Қатысушылар мен спикерлер үшін бөлек тіркеу қарастырылған.

Өтетін күні: 2026 жылғы 29-30 қазан, Алматы.

Бұл – қоғамдық және әлеуметтік-экономикалық бастамалармен айналысатын көшбасшыларға арналған 13 айлық халықаралық бағдарлама. Қатысушылар оқудан, коучингтен өтіп, өз жобаларымен жұмыс істейді.

Өтінім қабылдаудың соңғы мерзімі: 15 қазан 2026 жыл.

17 қыркүйекте университет студенттер арасында ғылыми Start-Up жобалар байқауын жариялады. Байқау студенттердің ғылыми-зерттеу идеяларын дамытуға және оларды нақты жобаларға айналдыруға бағытталған. 

Қатысуға бакалавриаттың 1-3 курс студенттері шақырылады.

Қатысушылар өздерінің ғылыми немесе технологиялық Start-Up идеясын ұсынуы керек. Өтінімдерді университеттің Ғылым және ғылыми жобаларды коммерцияландыру бөлімі қабылдайды.

Өтінім формасы университеттің ғылым бөлімі Instagram парақшасында жарияланған.

Өтінім қабылдау мерзімі: 30 қазан 2026 жыл

17 қыркүйекте Qazaqstan IGF 2026 ұлттық форумы туралы жаңа хабарландыру жарияланды. Форум мемлекет, бизнес, IT-сектор, азаматтық қоғам және академиялық орта өкілдерін біріктіреді. Өтетін күні – 14 қазан.

Биылғы негізгі тақырыптардың қатарында:

• жасанды интеллектіні жауапты пайдалану;
• балалардың интернеттегі қауіпсіздігі;
• Цифрлық кодексті іске асыру;
• Қазақстандағы цифрлық активтерді реттеу;
• азаматтардың цифрлық құқықтарын қорғау;
• интернет инфрақұрылымының тұрақтылығы бар.

Бағдарламада «Цифрлық экономикаға арналған цифрлық мамандарды даярлау» сессиясы да болады. Оның аясында «ИИ для юристов» жаңа курсы таныстырылады.

Форумға Алматыдағы IT-хаб SmArtPoint алаңында офлайн немесе онлайн трансляция арқылы қатысуға болады. Тіркелу ашық.

16 қыркүйекте «Алтын домбыра» VII халықаралық байқауына қатысты жаңа хабарландыру жарияланды. Байқау қазақтың дәстүрлі күй өнерін халықаралық деңгейде насихаттауға, жас таланттарды анықтап, қолдауға бағытталған. Қатысуға 16 жастан асқан мамандандырылған музыкалық оқу орындарының оқушылары мен студенттері, кәсіби музыканттар және талантты орындаушылар шақырылады.

Байқау екі кезеңнен тұрады. Қатысушылардың орындаушылық шеберлігі, сахна мәдениеті, көркемдік мәнерлілігі және шығарманы орындау сапасы бағаланады.

29 қазанда Атырау облыстық филармониясында жеребе тарту және конкурс тыңдаулары өтеді. 30 қазанда Атырау облыстық халық шығармашылығы орталығында гала-концерт ұйымдастырылады.

Шетелден келетін қатысушылардың жол жүру, тұру және тамақтану шығындарын ұйымдастырушылар өтейді. Құжаттарды 25 қазанға дейін жіберу қажет. 

Өтінім қабылдау мерзімі: 25 қазанға дейін.

Бұл мүмкіндік авиация, киберқауіпсіздік және халықаралық қауіпсіздік салаларына қызығатындар үшін. Негізгі бағдарламада авиациялық қауіпсіздік, киберқауіпсіздік, жүк тасымалының қауіпсіздігі, кадрларды даярлау және халықаралық қауіпсіздік стандарттары талқыланады. 

19 қазанда қатысушыларды тіркеу өтеді, ал 20–22 қазанда симпозиум, панельдік сессиялар және көрме ұйымдастырылады.

Өтетін күндері: 20–22 қазан

14 қыркүйекте жарияланған фестиваль бағдарламасында қыркүйек пен қазан айларындағы бірқатар іс-шараларға тіркелу әлі де жүргізіліп жатқаны көрсетілген. 

Алдағы бағдарламадан:

30 қыркүйек:

• Рашид Нурекеевтің студио-визиті – 12:00;
• Георгий Трякин-Бухаровтың студио-визиті – 14:00;
• «Мусор бросать» перформансы – 19:00.

1 қазан:

• «Художник и куратор» лекциясы – 19:00.

2 қазан:

• Yelaman Muqtarkhan студиосына визит – 12:00;
• фестиваль суретшілерінің artist talk-ы – 19:00.

Студио-визиттер мен лекцияларға қатысу құны – 2 000 теңге, кейбір іс-шаралар тегін. Бірқатар форматтарға алдын ала тіркелу қажет. 

Өтетін кезеңі: 16 қыркүйек – 3 қазан

15 қыркүйекте IITU республикалық студенттік жобалар мен зерттеулер байқауына университет ішіндегі іріктеу басталғанын жариялады. Қазір IITU студенттері өз жобаларын ұсына алады. 

Байқаудың бағыттары:

• жасанды интеллект;
• киберқауіпсіздік;
• онлайн-алаяқтықпен күрес;
• fintech;
• қаржы саласына арналған цифрлық шешімдер.

Университет ішіндегі кезеңнен кейін бір команда республикалық байқауда IITU атынан қатысады. Республикалық финал 10 қарашада Алматыдағы КБТУ-да өтеді.

Жүлде қоры:

• 1-орын – 500 000 ₸
• 2-орын – 350 000 ₸
• 3-орын – 200 000 ₸

Сонымен қатар тағылымдама, менторлық және арнайы номинациялар қарастырылған.

Өтінім дедлайны: 30 қыркүйек

Қазақстан Ұлттық Банкі зерттеу жүргізуге гранттар беру бойынша конкурс жариялады. Өтінім қабылдау 8 қыркүйекте басталған және 22 қазанға дейін жалғасады.

2026 жылғы конкурс тақырыбы – «Қазақстандағы байлықты бөлу (wealth distribution): динамикасы, факторлары және мемлекеттік саясат шаралары».

Бұл жеке зерттеушілерге арналған жеке грант емес. Өтінімді жоғары және жоғары оқу орнынан кейінгі білім беру, ғылыми-зерттеу қызметі немесе деректер жинау/өңдеумен айналысатын заңды тұлғалар бере алады. Сондықтан бұл мүмкіндікті университеттер, зерттеу орталықтары және басқа ғылыми ұйымдар өз жобалары үшін пайдалана алады.

Қазақстан азаматтары үшін Chevening Scholarship 2027–2028 бағдарламасына өтінім қабылдау ашық. Бұл Ұлыбританиядағы бір жылдық магистратураға арналған толық қаржыландырылатын стипендия. 

Стипендия оқу ақысын, Ұлыбританияға бару-қайту жол шығындарын, визаға байланысты шығындарды және оқу кезеңіндегі негізгі өмір сүру шығындарын жабады.

Бағдарламаға кез келген мамандық бойынша магистратураға түскісі келетін қазақстандықтар қатыса алады, бірақ академиялық талаптармен қатар жұмыс тәжірибесі мен көшбасшылық әлеуетке қатысты талаптар бар.

Өтінім қабылдаудың соңғы мерзімі: 6 қазан

Civil Rights Defenders және Amnezia журналистер, тәуелсіз медиа өкілдері мен құқық қорғаушыларға арналған цифрлық қауіпсіздік бағдарламасын іске қосты.

Бағдарлама аясында қатысушылар Amnezia Premium сервисіне бір жылдық жазылым ала алады. Ол интернеттегі қауіпсіздікті арттыруға және цифрлық ортада жеке деректерді қорғауға арналған құралдарды ұсынады.

Бастама әсіресе журналистика, құқық қорғау және тәуелсіз медиа саласында жұмыс істейтін, цифрлық қауіптерге тап болуы мүмкін адамдарды қолдауға бағытталған.

Өтінімдерді қабылдау ашық және қазіргі уақытта мерзімі жоқ. 

Eurasian Demographic Forum 2026 халықаралық конференциясына тіркелу жалғасуда.

Іс-шара демография, халық санының өзгеруі, көші-қон және қоғамның әлеуметтік дамуына қатысты мәселелерді зерттейтін мамандарды біріктіреді.

Қатысуға:

• студенттер;
• магистранттар мен докторанттар;
• зерттеушілер;
• оқытушылар;
• демография және әлеуметтік ғылымдар саласының мамандары өтінім бере алады.

Тіркеу формасын ағылшын тілінде толтыру қажет. Тіркелудің соңғы күні – 2026 жылғы 13 қыркүйек. 

Алматыда Central Asia Fintech Summit 2026 форумы өтеді. Іс-шара 2026 жылғы 11 қыркүйекте Tselinny заманауи мәдениет орталығында ұйымдастырылады.

Форум қаржы технологиялары мен цифрлық экономиканың дамуына арналған.

Бағдарламада мынадай тақырыптар талқыланады:

• цифрлық төлемдер;
• ашық банкинг;
• жасанды интеллект;
• блокчейн;
• киберқауіпсіздік;
• цифрлық валюталар;
• GovTech және қаржы технологиялары.

Форумға:

• банк саласының мамандары;
• fintech-компаниялардың өкілдері;
• инвесторлар;
• студенттер;
• технологиялық стартаптардың өкілдері;
• қаржы технологияларына қызығушылық танытатын азаматтар қатыса алады.

Ұйымдастырушылардың мәліметінше, форумға 4 мыңға жуық офлайн қатысушы және 120-дан астам спикер мен сарапшы қатысады деп жоспарланған.

Форумға тіркелу ресми сайт арқылы ашық. 

Алматыда inVision U Forum 2026 халықаралық форумы өтеді. Іс-шара 2026 жылғы 23 қыркүйекте Satbayev University алаңында ұйымдастырылады.

Форум білім беру, көшбасшылық және жаңа технологиялардың қоғамдағы рөлі туралы пікірталастарға арналған.

Қатысушыларды:

• сарапшылардың пікірталастары;
• бизнес өкілдерімен кездесулер;
• халықаралық профессорлардың баяндамалары;
• speed mentoring форматындағы кездесулер;
• студенттер және жас мамандармен нетворкинг күтеді.

Форумға:

• студенттер;
• талапкерлер;
• жас мамандар;
• кәсіпкерлер;
• білім мен көшбасшылық саласына қызығушылық танытатын азаматтар қатыса алады.

Қоғамдық форум күніне тіркелу қазір ашық. Қатысу тегін. 

Tamyr Education Forum 2026 форумына қатысу үшін тіркелу ашылды. Форум Қазақстандағы білім беру теңсіздігі мәселесін талқылауға және мектеп пен жоғары білім саласындағы практикалық шешімдерді іздеуге арналған.

Іс-шара Narxoz Business School және Teach for Qazaqstan қолдауымен ұйымдастырылады.

Форумға:

• мұғалімдер;
• студенттер;
• білім беру саласының мамандары;
• қоғамдық ұйымдардың өкілдері;
• білім беру жобаларын жүзеге асыратын азаматтар;
• білім саласына қызығушылық танытатын қатысушылар қатыса алады.

Форумға қатысу тегін, алайда орын саны шектеулі. Сондықтан алдын ала тіркелу қажет.

Тіркелу 2026 жылғы 1 қыркүйекте ашылды. Форум бағдарламасы мен нақты өткізу күні ұйымдастырушылар тарапынан қосымша жарияланады. 

PMI Astana Forum 2026 конференциясына қатысу үшін тіркелу ашылды. Іс-шара 2026 жылғы 6 қарашада өтеді.

Форум жоба менеджменті, бизнес және кәсіби даму салаларындағы мамандарды біріктіреді. Бағдарламада баяндамалар, кейстерді талдау, шеберлік сабақтары және қысқа презентациялар жоспарланған.

Конференцияға:

• жоба менеджерлері;
• студенттер;
• жас мамандар;
• кәсіпкерлер;
• басқару және бизнес саласына қызығушылық танытатын азаматтар қатыса алады.

Сонымен қатар спикер ретінде қатысқысы келетін мамандар өз тақырыптарын ұсына алады.

Спикерлерге арналған өтінімдер 2026 жылғы 30 қыркүйекке дейін қабылданады. Конференцияға тіркелу 1 қыркүйекте ашылды. 

Қазақстанда SPACE DAYS KAZAKHSTAN 2026 халықаралық форумы өтеді. Іс-шара ғарыш саласының мамандарын, халықаралық ұйымдардың, бизнестің, ғылым және технологиялық қауымдастықтардың өкілдерін біріктіреді. Қатысушылар үшін тіркелу ашық.

Форум 2026 жылғы 7–9 қыркүйек аралығында Астана қаласында өтеді. Негізгі іс-шаралар Nazarbayev University алаңында ұйымдастырылады.

Бағдарлама аясында қатысушыларды:

• Ғарыш саласындағы сарапшылардың панельдік сессиялары;
• Халықаралық ұйымдар мен ғарыш агенттіктерінің өкілдерімен кездесулер;
• Практикалық воркшоптар;
• Ғарышкерлермен кездесулер;
• Жаңа ғарыш технологиялары мен шешімдерінің таныстырылымдары;
• Ғарыш индустриясының болашағына арналған пікірталастар күтеді.

Форумға ғарыш және технология саласының мамандары, зерттеушілер, студенттер, кәсіпкерлер және салаға қызығушылық танытатын қатысушылар тіркеле алады.

Ұйымдастырушылардың мәліметінше, форумға 50-ден астам елдің өкілдері, 60-тан астам спикер және 900-ден астам қатысушы келеді деп жоспарланған.

Қатысу үшін форумның ресми сайтындағы Visitor Registration бөлімі арқылы алдын ала тіркелу қажет.

Іс-шараның өтетін күндері: 7–9 қыркүйек 2026 жыл. 

Сценарист, режиссёр немесе заманауи технологияларды қолданатын контент авторы ретінде өзіңізді сынап көргіңіз келе ме? 

Сіздерді жасанды интеллект технологияларын пайдалана отырып мини-сериал жасау байқауына қатысуға шақырамыз!

Не жасау керек?

• 3 сериядан тұратын мини-сериал
• Әр серияның ұзақтығы — 1 минуттан 2 минутқа дейін
• Жанры мен тілі — өз таңдауыңыз бойынша
• Сценарий, визуал, видео, дыбыс, музыка және монтаж үшін заманауи ЖИ құралдарын пайдалануға болады.

Жеңімпаздарды Алиса дауысбытырғыштары күтеді

Қатысу үшін:

• Байқау Ережесімен танысу.
• Конкурстық жұмысты дайындау.
• Синопсис пен жоба сипаттамасын дайындау.
• Қолданылған ЖИ құралдарын көрсету.
• Тіркеу формасын толтыру.

Астана қыркүйек айында басталатын «Кітап оқитын ұлт» марафонына ресми түрде қосылды. Марафонға қатысушылар алты ай ішінде 15 кітап оқып, кейін тестілеу мен бірқатар зияткерлік куизден өтеді. Сынақ қорытындысы бойынша қатысушылардың әр санатындағы үздік командалар анықталады.

Бірінші орынға – 600 мың теңге, екінші орынға – 450 мың теңге, үшінші орынға 300 мың теңге ақшалай сыйлық қарастырылған.

«Кітап оқитын ұлт» марафонына кімдер қатыса алады:

• 6-10 сынып оқушылары;
• колледждер мен жоғары оқу орындарының студенттері;
• педагогтер;
• мемлекеттік қызметшілер;
• ата-аналар;
• мамандығы мен қызмет түріне қарамастан, барлық ниет білдіруші.

Марафон қазақ және орыс тілдерінде өтеді.

Қатысушыларды тіркеу биыл қыркүйек айында жобаның www.reading-nation.kz⁠ ресми сайтында басталады.

Достар, сіздерді Халықаралық қызғалдақ күнін еліміздің табиғат құпияларын ашатын деректі фильмді тамашалаумен бірге атап өтуге шақырамыз.

Генетикалық тұрғыдан алғанда, барлық заманауи қызғалдақтардың арғы атасы дәл осы Еуразия даласы екенін білесіз бе? Қазақстан аумағында қызғалдақтың 42 түрі өседі, оның 7-еуі – бірегей эндемик. Анна Савоськинаның фильмі – бұл жай ғана ғылыми зерттеу емес, өмірін табиғатты қорғауға арнаған жандардың жеке тарихтары.

Біз сіздерді осы сұлулықпен танысып, жабайы қызғалдақтарды болашақ ұрпақ үшін сақтауға үндейтін құндылықтарды бірге қалыптастыруға шақырамыз.

Көрсетілім КИМЭП Университетінің қолдауымен өткізіледі.

Күні: 7 наурыз, 2026 жыл Басталуы: 15:00

Мекен-жайы: Абай даңғылы, 4, КИМЭП Университеті, Уәлиханов ғимараты, 2-холл.

Тіркелу сілтемесі: https://docs.google.com/forms/d/1N9AJl-QOai05LOOB5VRs4a92OTfnWnVCnS6tLei1EL0/edit

Қатысушылар жеке немесе команда құрамында қатысып, келесі санаттардың бірі бойынша материал ұсына алады: фильм, сыртқы жарнама, дизайн, диджитал, медиа, маркетинг, PR. Қатысушылардың жасы 30-дан аспауы тиіс. Шарттармен, мерзімдермен және толық ақпаратпен байқаудың сайтында танысуға болады.

Дедлайн: 12 наурыз 2026 ж. 

2026 жылдың жазында University of Hong Kong жанындағы Есептеу техникасы және деректер ғылымы мектебі компьютерлік ғылым, жасанды интеллект және деректер ғылымы бағыттары бойынша бакалавриаттың 40 студентіне арналған зерттеу тағылымдамасы бағдарламасын іске қосады.

Дедлайн: 31 мамыр 2026 ж.

KAUST Photonics (PSC) жазғы лагері – қаржыландырылатын зерттеу бағдарламасы. Бағдарлама заманауи фотониканың әртүрлі салаларында бірнеше практикалық зерттеу жобаларын, семинарлар мен заманауи нанөңдеу және визуализация құралдарын қолдануға техникалық оқытуды қамтиды. Қаржылай қолдау қарастырылған.

Дедлайн: 31 маусым 2026 ж.

Сеул Ұлттық университетінің курстарын тегін өтуге болады, қосымша студенттер шағын төлеммен расталған сертификат ала алады. Қазір анатомия, экономика, инженерия, психология, тарих және биология салалары бойынша курстар ұсынылған.

Дедлайн жоқ

Қазақстанда жаңа цифрлық еріктілер платформасы іске қосылуда, ол оқытуды, әлеуметтік бастамаларға қатысуды және жастар көшбасшылығын дамытуды бір онлайн кеңістікте біріктіреді. Платформа жастарға елдің кез келген жерінен челлендждерді орындауға мүмкіндік береді. Халықаралық үздік стандарттар мен тәжірибелерді ескере отырып әзірленген «ЮНИСЕФ Жастары» жобасы 16 мен 35 жас аралығындағы жастарға бағытталған және жастарды балалар құқықтарын қорғауға, сондай-ақ ел бойынша орнықты дамуға тартуды жеңілдетуге арналған.

Платформаның іске қосылуы ерекше сәтте орын алуда: Біріккен Ұлттар Ұйымының Бас Ассамблеясы 2026 жылды Орнықты даму мақсатындағы халықаралық еріктілер жылы деп жариялады. Алғаш рет Қазақстан ұсынған бұл бастаманы Президент Қасым-Жомарт Тоқаев 2020 жылы БҰҰ Бас Ассамблеясының мінберінен жариялап, мүше мемлекеттердің басым көпшілігінің қолдауына ие болды. Бұл шешімдер еріктілер қозғалысының жаһандық және ұлттық маңыздылығын айқындай түседі.

2026 жылдан бастап платформа ЮНИСЕФ Қазақстанның қамқорлығымен еріктілер қызметінің бірыңғай цифрлық кеңістігіне айналады. Пайдаланушыларға бала құқықтары, зорлық-зомбылықтың алдын алу, психикалық денсаулық, климаттық сауаттылық, инклюзия және цифрлық қауіпсіздік бойынша онлайн-курстар, сондай-ақ өтінім берудің ыңғайлы жүйесі және қатысуды автоматтандырылған түрде есепке алу қолжетімді болады. Әрбір еріктінің цифрлық профилінде жетістіктері мен жобаларға қосқан үлесі тіркелетін болады.

Арнайы мотивация үшін «ЮНИСЕФ Жастары» платформасы геймификация элементтерін қамтиды. Әрбір ерікті жобаларға белсенді қатысуына қарай «өсіп» дамитын өзінің бірегей аватарына ие болады – қарапайым баладан нағыз суперқаһарманға дейін өсіп, бұл олардың елеулі үлесін көрсетеді.

Еріктілер челлендждері жастарға орналасқан жеріне қарамастан — қалалық мектеп, шалғай ауыл немесе жергілікті аудан болсын — өз қоғамдастықтарында балаларға көмек көрсетуге және ағартушылық іс-шаралар жүргізуге мүмкіндік береді. Платформа еріктілерді барлық қажетті ресурстармен: статистикалық деректермен, әдістемелық ұсынымдармен, талдамалық материалдармен және ЮНИСЕФ үйлестірушілерімен тікелей байланыспен қамтамасыз етеді. Тапсырманы орындағаннан кейін қатысушылар есептерді жүктей алады, ұпай жинайды және үнемі жаңартылып отыратын жаңа челлендждерден шабыт алады.

Қазақстандағы ЮНИСЕФ еріктілер қозғалысының қатарында қазірдің өзінде 10 мыңнан астам белсенді қатысушы бар. Соңғы жылдары олар ондаған әлеуметтік және экологиялық бастамаларды жүзеге асырып, 500 тоннаға жуық қоқыс жинады және 20 мыңнан астам ағаш отырғызып, орнықты қоғамдастықтарды дамытуға үлес қосты.

Urban Forum Kazakhstan AdilQala жобасы аясында қала тұрғындары, қауымдастықтар, тұрғындар бірлестіктері және т. б. үшін офлайн-консультациялар сериясын іске қосады.

Кеңестерді білікті мамандар — заңгер мен сәулетші-урбанист береді. Егер қалада жүзеге асырылып жатқан жобаларға қатысты сұрақтарыңыз болса, біздің форма арқылы өтінім қалдырыңыз! Өтінім модерациядан өткеннен кейін сізге консультацияның уақыты мен өтетін орны туралы хабарлаймыз. Форманың сілтемесін: https://forms.gle/KiKvs8rbXcHPQfBX6

AdilQala жобасы қаладағы қақтығыстарды зерттеуге және оларды шешу жолдарын іздеуге бағытталған. Біздің мақсатымыз – тұрғындарға қаланың дамуына қатысты шешімдердің қалай қабылданатынын түсіндіру және олардың осы үдеріске жауапкершілікпен қарап, оған саналы түрде қатысуына жол ашу.

Қазақстандағы АҚШ Миссиясы Fulbright TEA 2026-2027 бағдарламасына құжат қабылдау ашық екенін жариялайды.
⠀
Бағдарлама жайлы:

• Қатысу толығымен тегін
• Құжат 2026 жылдың 3 ақпанына дейін қабылданады
• Үміткерлер ағылшын тілін жетік меңгеруі тиіс
• Құжат қарастыру кезінде орта мектепте кем дегенде бес жылдық жұмыс тәжірибесі бар мұғалімдерге басымдық беріледі

AmCham Kazakhstan студенттер мен жақында оқуын аяқтаған түлектерді кәсіби дағдыларды дамытуға және халықаралық бизнес-қоғамдастықтың жұмысымен танысуға бағытталған тағылымдама бағдарламасына қатысуға шақырады.

Бағдарлама бизнес, коммуникациялар, халықаралық қатынастар, аналитика және жобалық қызмет салаларында практикалық тәжірибе алуға, халықаралық ортада жұмыс істеуге және кәсіби байланыстарды кеңейтуге
мүмкіндік береді.

Іріктеу талаптары:

• Бакалавриат немесе магистратура студенті не жақында оқуын
  аяқтаған түлек болу;
• Бизнеске, халықаралық компанияларға және іскерлік ортаға
  қызығушылық таныту;
• Тағылымдама бағдарламасына белгіленген мерзім бойы қатысуға
  дайын болу;
• Жақсы коммуникативтік және ұйымдастырушылық дағдылар;
• Ақпаратпен жұмыс істей білу және бірнеше міндетті қатар орындау қабілеті;
• Жауапкершілік, бастамашылдық және проактивті ұстаным;
• MS Word, Excel және PowerPoint бағдарламаларымен жұмыс істей алу;
• Ағылшын тілін меңгеру деңгейі — Intermediate және одан жоғары.

Өтінім қабылдаудың соңғы мерзімі: 2026 жылғы 30 наурыз.

Яньчин университеті жас көшбасшыларды, қытайтанушыларды және Қытайға қызығушылық танытатын жандарды Пекинде өтетін симпозиумға шақырады. Конференцияға түрлі салалардан жетекші халықаралық ғалымдар мен болашағы зор жас мамандар қатысады.

Yenching Global Symposium (YGS) — әлемнің түкпір-түкпірінен келген жас көшбасшыларға, танымал практиктер мен ғалымдарға Қытай тақырыбында пәнаралық диалогтарға қатысуға мүмкіндік беретін алаң.

Конференцияға қатысу, тұру және әуе билеті толықтай қаржыландырылады. 

Іріктеу талаптары:

• 1995 жылғы мамырдан кейін туған;
• Өтінім беру кезінде бакалавриаттың соңғы курсында оқу немесе
  бакалавр дәрежесіне не одан жоғары академиялық дәрежеге ие
  болу (мамандық бойынша шектеу жоқ);
• 2026 жылғы 16–19 сәуір аралығында Қытай Халық
  Республикасының материктік бөлігінде өтетін форумға
  толыққанды қатысу мүмкіндігі;
• Бұрын YGS конференцияларының ешқайсысына қатыспаған
  болуы;

Ағылшын тілін еркін меңгеру. Жоғары немесе жоғары оқу орнынан кейінгі білімін ағылшын тілінде алмаған үміткерлер халықаралық ағылшын тілі тестілерінің нәтижелерін ұсынуы тиіс:

• IELTS (Academic) — жалпы балл 7.0 және одан жоғары
• Немесе TOEFL (iBT) — жалпы балл 100 және одан жоғары.

Өтінім қабылдаудың соңғы мерзімі: 2026 жылғы 5 қаңтар, 23:59
(GMT+8).

INSAIT Graduate Research Fellowship (INSAIT GRF) бағдарламасы әлемнің түкпір-түкпірінен келген жоғары ынталы магистранттарға INSAIT оқытушыларының жетекшілігімен ғылыми-зерттеу жұмыстарына қатысу мүмкіндігін ұсынады.

Бағдарлама Массачусетс технологиялық институты (MIT), Калифорния технологиялық институты (Caltech) және ETH Zurich-тің табысты зерттеу бағдарламалары үлгісінде әзірленген.

Бағдарламаның ұзақтығы жобаңыз бен менторыңызға байланысты 6 айдан 12 айға дейін. Таңдалған үміткерлерге айына 3 307 еуро көлемінде шәкіртақы төленеді. INSAIT келгеннен кейінгі алғашқы екі аптадағы тұру шығындарын өтейді, сондай-ақ визалық және сапарға байланысты қолдау көрсетеді.

Өтінім беруге қазіргі уақытта магистратурада оқып жүрген немесе соңғы 12 ай ішінде аккредиттелген университетте магистратура бағдарламасын аяқтаған үміткерлер қатыса алады.

Өтінім қабылдаудың соңғы мерзімі: бағдарламаға қабылдау жыл бойы
жүргізіледі.

«БҰҰ-Әйелдер» құрылымы Chief Strategy Officer’s (CSO) портфелі аясындағы жобалардың күнделікті іске асырылуын әкімшілік тұрғыда қолдайтын бағдарлама ассистентін іздейді. «БҰҰ-Әйелдер» ұйымы әйелдердің құқықтарын ілгерілету, гендерлік теңдікті қамтамасыз ету және барлық әйелдер мен қыздардың құқықтары мен мүмкіндіктерін кеңейту мақсатында жұмыс істейді.

Бағдарлама ассистенті CSO портфелі командасымен, сондай-ақ операциялық, коммуникациялық және басқа да жобалық топтармен тығыз ынтымақтастықта жұмыс істеп, нәтижелерге тиімді қол жеткізуге үлес қосады.

Бағдарлама маманының тікелей жетекшілігімен БҰҰ волонтері төмендегі міндеттерді атқарады:

• CSO портфелі аясында әкімшілік және логистикалық қолдау
  көрсету;
• CSO портфелі шеңберіндегі жобалар мен іс-шаралар бойынша
  сатып алу және қаржылық қолдауды қамтамасыз ету;
• Білімді жинақтау мен тәжірибе алмасуға ықпал ету.

Іріктеу талаптары:

• Жасы 18-ден 80-ге дейін;
• Түрік және ағылшын тілдерін еркін меңгеру;
• Кемінде 1 жыл тиісті жұмыс тәжірибесі;
• Бизнес немесе мемлекеттік басқару, мемлекеттік саясат, адам
  құқықтары, гендерлік зерттеулер, халықаралық қатынастар, саяси
  және әлеуметтік ғылымдар немесе соған сәйкес өзге сала
  бойынша бакалавр дәрежесі;
• Іс-шаралар мен тренингтерді ұйымдастыру тәжірибесі құпталады.

Өтінім қабылдаудың соңғы мерзімі: 2025 жылғы 25 желтоқсан.

Бағдарламаның басталу күні: 2026 жылғы 12 қаңтар

Summer Student Programme 2026 — көпмәдениетті командада жұмыс істеп, нақты IT жобаларына қатысуға және біліміңізді кеңейтуге арналған тамаша мүмкіндік. CERN openlab — CERN-нің жетекші технологиялық компаниялармен және ғылыми ұйымдармен ынтымақтастығын қамтамасыз ететін бірегей мемлекеттік-жекеменшік серіктестік.

Бағдарламаға не кіреді?

• Женевада 2 ай болу (22 маусым – 2026 ж. тамыз);
• Швейцарияға жол шығындарының өтелуі;
• CERN медициналық сақтандыруы;
• Жетекші ғалымдардың дәрістері;
• CERN-нің бірегей зертханаларына қолжетімділік;
• Тұрғын үй мәселесі бойынша көмек.

Іріктеу талаптары:

• Компьютерлік технологиялар саласында берік білімі бар
  бакалавриат немесе магистратура студенті болу (докторанттар
  қатыса алмайды) және жаз басталғанға дейін университеттегі
  күндізгі оқу бойынша кемінде 6 семестрді (3 академиялық жыл)
  аяқтаған болуы;
• CERN-де басқа кез келген мәртебе бойынша 3 айдан артық
  жұмыс істемеуі және бұрын CERN-нің Жазғы студенттік
  бағдарламасына қатыспаған болуы;
• Ағылшын тілін жақсы меңгеруі (тілдік тест талап етілмейді);
• CERN-дегі жазғы бағдарламаның басталуына дейін кемінде күндізгі бөлім студенті мәртебесінде қалуы.

Бағдарламаға өтінім беру үшін қажет құжаттар:

• Түйіндеме (CV);
• Университет оқытушыларынан ұсыныс хат;
• Академиялық транскрипт.

Құжат тапсырудың соңғы мерзімі: 2026 жылғы 26 қаңтар (Женева уақыты бойынша).

EDx платформасы қытай тілін бастапқы деңгейден жоғары деңгейге дейін, сондай-ақ іскерлік қытай тілі бағыты бойынша тегін курстарды іске қосты. EDx — түрлі дағдыларды меңгеруге мүмкіндік беретін ірі онлайн-білім беру платформаларының бірі. Курсты аяқтағаннан кейін шағын төлем арқылы сертификат алуға болады. 

Курстардың ұзақтығы бағдарламаға байланысты 2 аптадан 10 аптаға дейін. Курсты өту мерзімі курс басталу уақытына тәуелді.

VISA компаниясы креативті ойлауы бар, жобаларды басқару дағдыларына ие және сауатты жаза алатын корпоративтік коммуникациялар саласындағы жас мамандарды іздейді. VISA — америкалық технологиялық
компания және әлемдегі ең ірі төлем жүйелерінің бірі. Тағылымгер лауазымына коммуникациялар, журналистика, цифрлық медиа немесе соған жақын мамандықтар бойынша 2027 жылы оқуын аяқтайтын студенттер
шақырылады.

Іріктеу талаптары:

• Көрсетілген мамандықтар бойынша бакалавриат немесе
  магистратура студенті болу және келесі жылы оқуын аяқтау;
• Тағылымдамадан өтуге қолжетімді болу (2026 ж. маусым–тамыз);
• Жоғары академиялық үлгерім;
• Аналитикалық ойлау және бизнес-кейстерді шеше білу;
• Жобаларды басқару дағдылары және көпміндеттілік;
• Қызметкерлер арасындағы коммуникациялар саласында заманауи
  үрдістер мен үздік тәжірибелерді іздеуге және енгізуге
  қызығушылық;
• Өзіне сенімділік, жылдам әрі үнемі өзгеріп отыратын жұмыс
  ортасында жұмыс істей алу;
• MS Excel, Word және PowerPoint бағдарламаларын білу;
• Ағылшын тілін меңгеру.

Құжаттарды қабылдаудың соңғы мерзімі: іріктеу 2026 жылдың соңына
дейін ашық.

Бұл шәкіртақы Duke University магистратура бағдарламаларына түсетін Қазақстан азаматтарына арналған. Шәкіртақыны Berik and Bayan Kaniyev Foundation — Қазақстандағы білімді, мәдениетті, спортты және әлеуметтік
бастамаларды қолдайтын жеке қор ұсынады. Шәкіртақы келесі бағдарламалар бойынша оқуға қолжетімді: Master of Business Administration (MBA), Master of Quantitative Management (MQM), Master of Management Studies (MMS).

Грант алу үшін үміткер жоғарыда аталған бағдарламалардың бірі бойынша университеттен шартсыз қабылдау хатын алуы тиіс. Шәкіртақы оқу ақысын толық көлемде өтейді.

Құжаттарды тапсыру мерзімі:

• MBA — 8 қаңтарға дейін;
• MQM — 7 қаңтарға дейін;
• MMS — 14 қаңтарға дейін (2026 жыл)

Оқып жүріп өз бизнесіңізді жүргізесіз бе? Онда бұл байқау дәл сіз үшін!  
Сіздерді студент-кәсіпкерлерге арналған ең беделді халықаралық жарыстардың бірі — GSEA 2026 7-ші Ұлттық финалына қатысуға шақырамыз.

Сыйақы қоры — 100 000 USD

Финал: 2026 жылғы 22 қаңтар, Алматы (гибридті формат)

Өтінім беру дедлайны — 2026 жылғы 8 қаңтар

Мүмкіндіктер:

• Entrepreneurs' Organization сарапшыларынан менторлық;
• Әлемнің түкпір-түкпіріндегі талантты студенттермен нетворкинг;
• Еуропалық аймақтық финалға жолдама алу мүмкіндігі.

  2026 жылды өз бизнесіңіздің серпіліс жылына айналдырып, жобаңызды әлемге көрсетіңіз!

«Шабыт» XXVIII халықаралық шығармашыл жастар фестиваліне өтінім қабылдау мерзімі 10 қарашаға дейін ұзартылды, деп хабарлайды елорда әкімдігінің ресми сайты.

Дарынды жастарды қолдау және олардың шығармашылық әлеуетін арттыру мақсатында ұйымдастырылған «Шабыт» XXVIII Халықаралық шығармашыл жастар фестивалі 2025 жылғы 18-22 қараша аралығында Астана қаласында өтеді.

Қатысу шарттары:
Фестивальге 18-35 жас аралығындағы шығармашыл жастар қатыса алады. Олардың қатарында өнер бағытындағы оқу орындарының студенттері мен түлектері, филармониялар, театрлар мен концерттік ұйымдардың кәсіби орындаушылары бар.

Номинациялар:
• Камералық хор. Хор дирижері;
• Академиялық ән айту және концертмейстерлік шеберлік;
• Камералық музыка (скрипка, альт, виолончель, контрабас, фортепиано);
• Фольклорлық ансамбль (2–5 қатысушы);
• Эстрадалық вокал (дуэт, трио);
• Бейнелеу өнері (кескіндеме, графика);
• Поэзия (үздік әдеби шығарма);
• Креативті бағыт.

Фестиваль жеңімпаздарына арнайы марапаттар мен дипломдар табысталады.

🚀 SVR 2025 (Silicon Valley Residency) — бұл Alchemist X және DAR компаниялары ұйымдастыратын 4 айлық акселератор бағдарламасы, Силикон алқабында (Калифорния, АҚШ) өткізіледі.

📌 Бағдарлама не ұсынады?
 • 4 ай бойы АҚШ-та резиденция
 • Менторлармен жұмыс — Силикон алқабының үздік сарапшылары
 • Инвесторлармен кездесулер
 • Demo Day — өз стартапыңды инвесторларға ұсыну
 • TechCrunch Disrupt сынды ірі технологиялық іс-шараларға қатысу

👥 Кімге арналған?
 • 21–35 жас аралығындағы жас кәсіпкерлер мен мамандар
 • Стартапы бар тұлғалар
 • IT, технология, финтех, жасанды интеллект, білім, агро, денсаулық сақтау салаларындағы жобаларға басымдық
 • Ағылшын тілінде қарым-қатынас жасай алатын, халықаралық деңгейде өсуге дайын стартаперлер

💡 Қосымша артықшылықтар:
 • Тұру, кеңсе, іс-шараларға қатысу шығындары жабылады
 • Нетворкинг және халықаралық нарыққа шығу

📅 Өтінім беру мерзімі: 11 шілде 2025 жыл
🔗 Толығырақ: alchemistsvr.com

«Тәуелсіздік ұрпақтары» гранты — 3 млн теңгелік қолдау. ҚР Мәдениет және ақпарат министрлігі жариялаған мемлекеттік конкурс.

Кімге арналған?

14–34 жас аралығындағы шығармашыл жастарға.

Биыл республикалық деңгейде 30 грант (әрқайсысы 3 млн теңге) беріледі.